1958. urte bukaeran lau lagun bildu ziren Deban -Benito del
Valle, Julen Madariaga, Iñaki Larramendi eta Txillardegi bera-, eta han
ETA sortu zen. Erakunde berria Txillardegik «bataiatu» zuen, «euskaraz
besteek baino gehiago nik nekielako. Hasieran pentsatu genuen Aberri Ta
Askatasuna izena jartzea, baina siglek ATA ematen zuten eta Bizkaian
`ata’ [ahate] pato da… Ez zen egokia. Orduan, ATAren ordez, ETA bota
nuen; hitzak konjuntzioaren esanahitik aparte ez zuen besterik (…)
Wordpress.com
Ehun ahateko probak
Toplam Sayfa Görüntüleme Sayısı
11 Mart 2013 Pazartesi
26 Şubat 2013 Salı
BERROETA
-Lanera, martxan, beleak zaindu bidenaar artoa karri. Landan baita artoa, pues artoa karri, belek al baitire yaten. Guk lan in, ta geo belek aprobetxatu. Belea badakizu zer den belea?-Kartzen omen dazkute gure launtzeko, gure bazka yateko, guk lana in, ta gero belek jan.
-Urtetik urtera aumentatzen ai dire, ez omen da zil hiltzia, ta segi guri perjudikatzen ari dire. Guk lan in eta hek oaintxen artoa pikortzen den denb...
hasten den denboran pikortzen, pues yaten datzute, pues, baldin badie zortzi hamar, aldian zortzi hamar buru...ta fijate!
-Ezpaite libre, debekatue, prohibitue omen baite hiltzia. Pues eztakit ze ein behar dugun, pues, guk kosetxa zernahi gostaik pagatuz ahal den bezala lana in, eta gero oaintxen, ya probetxu man behauten denboran, beleek yatekottan ere, pues...
-Artoburue, burure, bai bertzea uzteute bai, hure han, hura ezpaite yeusteko. Bederatzi hamar, segun zer tropa dabilen, pues trop'hure, belia sartzen da, pues bat gelditzen da bijiletzen tropa, belea arbolean gelditzen da bat bijiletzen, balin badie hamar, pues sartiko die bedratzi, ta yaen tuzte pues bederatzi buru, ta bakar harek, yendia heldu bazaiote, pues iten du harek abisetu.
-Hoixe, erniak, erniak; erneak eta ....de mucha vista.
-A, bai, hoiek usmoa baute ta...
-Pues, artoa karri, azpitik moztu ta karri etxera: ez oaño ez, ke ba! Hoi utzi behar da ontzera, oño datorren bil hilebete edo hiru behar du kanpoan egon, baño zetako ai behar dugu hekendeko uzten?
-Artoa ta banabarra.
-
Nafarroako Euskaldunen mintzoak.Euskalerria Irratia/Matías Múgica
24 Şubat 2013 Pazar
-->
Prometeo
Probableki
Prometeok dituen ikusmirak ederrak dira gero, baina ez du
gorputzaldirik horretaz gozatzeko, ezta gogorik ere. Honela esaten
da, etxea zenbat eta pobreagoa izan, orduan eta ederragoak dira
etxearen ikusmirak. Bada, Prometeoz ere, antzeko zerbait esan liteke.
Zenbat eta krudelagoa izan bere tortura, probableki orduan eta
ederragoak ikusmirak.
Kaukaso mendi baten gain-gainean da Prometeo. Zeruan bada probableki
hodei beltz-segizio luze-luze bat, zeruko hodei guztiak egun berean
alargunduko balira bezala, eta dolumin-jantzi beltza jostun berari
enkargatuko baliote bezala. Hozberoa ere ezin hobea, probableki. Eta
inguruan mendi zabal ederrak, nonahi, zeruko dolumin-segizioari
kontsolamenduzko eleak botatzen dizkietenak.
Euria
ari du. Atertu gabe. Eta probableki udazkenik euritsuena aurtengoa.
Baina,
esan bezala, Prometeok ez du gorputzaldirik dolumin-jantzi beltzez
jantzitako hodeiez gozatzeko. Beti bada traba bat, munduko izaki
hilkorrek erabateko zoriontasunaz goza ez dezaten. Segurua da,
Prometeoren kasuan, putretzar lepo oker zikin batek duela errua,
oraintxe berean, eta barkatu hitz joko kaskarra, bere gibelean
dagoenak, bere gibelaren zain,
bere
patu
krudela
betetzekotan.
Ongi esan dugu.
Ez arrano arranditsu bat, baizik eta putretzar lepo oker bat.
Zeusek Prometeo
honela kondenatu zuen: Kaukasoko haitz batera lotu, eta egunez arrano
batek bere gibela jan behar dio, gauez berriro ere senda dakion. Eta
horrela egunak joan, egunak etorri, eternalki pairatu behar du
sufrikarioa. Beraz, ez da harrigarria Prometeok probableki ikusmirari
ezer erreparatu nahi ez izatea.
Probableki ez da
hain ezaguna, ordea, ohiko kronikek datu hori jasotzen ez baitute,
zer gosaltzen duen Prometeok, jatera ematen baitiote. Pikuak jaten
ditu. Sasoian pikondotik hartu berriak, eta sasoitik kanpo, piku
idorrak. Baina beti pikuak.
Arrano borreroa
joan bezain pronto, ilunabarrean jeneralean, pikuak jateari ekin, eta
ilundu ordura arte, jo eta ke pikuak jaten aritzen da Prometeo.
Beraz, probableki ezin da esan dieta oso aberatsa denik, baina bai,
ordea, osagarria. Prometeori susmagarria iruditzen zaio dieta
errepikakor hura, baina zigor errepikakor bat jasotzen ari baita, eta
beste elementu errepikakor bat eranstea bat datorrela pairatzen ari
den kalbarioarekin.
Baina esan dugun
bezala, putretzar lepo oker batek jaten dio orain gibela, eta ez
arrano arranditsu batek. Arranoari edozein haragi-puska gustatzen
zitzaion, edozer jan zezakeen mokoa ireki orduko, baina gibela ez
zitzaion probableki gustatzen, Prometeoren gibela ez zitzaion batere
gustatzen oso gustu arraroa zuelako, piku-zaporea, hain zuzen ere.
“Astuna da gero
egunero gauza bera jan beharra. Eternalki errepikatzen den jangarria
nazkagarria egiten zaigu, hau da, betiereko itzulera gastronomikoan
bizitzea ere zigor galanta da” esaten zuen
arranoak. Prometeorentzat tortura eternala zen, baita arranoarentzat
ere, zeren nazkatu egin zen egunero gauza bera jan behar izateaz, eta
izan zuen lehendabiziko aukeran putretzar bati igorri zion
beharkizuna, lepo okerraz gainera, triste, gizarajo eta bakarti zen
putretzar bati.
Probableki
dagokigun istoriotik ateratzea da hauxe kontatzea, baina kontuak
aurrekoa ulertzen laguntzen digu. Karibe aldeko kartzela bateko
gatibuek greba egin zuten egunero gauza bera ematen zitzaielako
jateko: langosta errea. Antzeko istorioak aditzen ahal dira Siberian,
han kabiarra baino ez baitzuten jaten erbesteratuek. Asturiaseko
presondegikoak, aldiz, izokinak jateaz gogaitu egin ziren. Eta
jakina, Aginagan, angulak jateaz. Bidezkoa zen Prometeok zigor
eternal hura jaso behar izatea, baina Zeusek arranoa ere eternalki
kondenatu zuen.
Arranoak bazekien
putreak nola konbentzitu.
“Jana segurua
da. Hara joan, eta jatekoa zure zain daukazu. Ez du inongo arriskurik
gainera, eta Zeusek ere eskertuko dizu zure lana. Eta badakizu?
Zeusen adiskidantza izatea gauza handia da, dudarik gabe, baita gu
bezalako hegazti mitikoentzat ere. Batek daki zer gaitasun edo
erresuma handi ematen ahal digun”. Putretzarrak segituan
lan-eskaintza onartu, eta lanera lotu zen.
“Zertarako
daramazu zintzurrean joare hori?” galde egin zion arranoak
putreari, putretzarrak lepoan zintzilik zeraman joareari begira.
“Ohitura berri
bat, hildakoekin lan egiteko komeni zaiguna” erantzun zion
putretzarrak. Arranoari probableki oso erantzun kaskarra iruditu
zitzaion, eskasa, azalpenik gabekoa, baina ez zuen kontua gehiago
sakondu nahi izan. Zertarako ote? Karibe aldeko gatibuak greban
egotea ere langosta errea jan behar izateagatik. Askotxo dira mundu
honetan diren misterioak. Prometeoren garaian, putreak hildakoen
arimak zerura eramateaz arduratzen ziren. Lan hori ere ez zen makala,
eta batek daki zer behar den lan hori ongi egiteko.
“Lana zurea da”
esan zion arranoak.
“Noiz arte?”
galde egin zuen putreak.
“Eternitateak
iraun arte”.
“Luze joko du
horrek”.
“Probableki”.
Anitz poztu zen
putrea. Izugarri, zeren eta putreak anitz estimatzen baitzuen
segurtasuna. Segurtasuna eta bakardadea. Ez zitzaion bat ere
gustatzen egunero jatekoaren bila ibili behar izatea, probableki
noiz, non eta zer jango zuen jakin gabe. Egunero gauza bera jan behar
izateaz nazkatuko ez den izaki bat arduratuko da lan errepikakor
horretaz.
Prometeok,
aldiz, ahal izango balu, beste bati emango lioke bere tokia.
Probableki ez, dudarik gabe. Ahal izango balitz, ez
legoke orain Kaukaso mendi-kasko honetan, hotzak akabatzen,
putretzarrak noiz lur hartuko ote duen beldurrez, egunsentiko eguzki
lo galdua zeruko zalgurdian abiarazteko zorian dagoenean. Ahal izango
balitz, taberna batean legoke orain, tabernarik ilunenean ere, eta
ezti-ardoz hornitutako katilu ketua hartuko eta goitira goratuko
luke, eta beste titan batzuekin, edo gizaki hilkor batzuekin ere topa
egingo luke, eta bere zintzurrean behera hautemango luke ardoaren
bizia, Prometeo oso lagunartekoa baita, lagunkoia, gizartekoia, zeren
tabernetako lagunen arteko giroa maite-maite baitu, eta giro horretaz
gozatzeagatik dago orain dagoen atakan, bakar-bakarrik, Kaukasoko
haitz bati atxikirik, goroldioa harrira legez. Probableki betirako
eta putretzar edo arrano batek bere gibela jan artean.
Hain
lagunkoia izan ez balitz, ez lituzke adituko orain aditzen dituen
joare baten dilin-dalan beldurgarriak, hor nonbait, eta bolo-bolo
zabaltzen direnak. Joareak soinatzeak mugimendua dakar.
Putretzarra
Prometeo jatera dator, duda-izpirik gabe. Hori egitera dator eta bere
ezaguerak hala aginduko dio zeruko piztiari berandu baino lehen.
Prometeoren ikus-eremutik kanpo dabil, eta gibeleko aldetik gustatzen
zaio Prometeorengana hurbiltzea. Lotsak jota ibiliko da nonbait. Moko
okerrak, begirada zakarrak, luma uherrek, pausu baldarrek eta lepo
larrutuak ez dakarte ezer onik.
Ez du ohitura-falta putretzarrak, egunero egiten du-eta egintza hori,
baina Prometeo beharrik gabe ere izutzea ez da gizalegezkoa. Jakina,
basapiztia batek ez du zertan jakin gizalegea zer den. Zeusen
agindua betetzen du, eta bidenabar ederki jaten du, dohainik eta
nekerik gabe, itsu-itsuan eta buruhausterik gabe, zer den on eta zer
den gaizto bitan pentsatu gabe, behin pentsatu gabe, egia esan, eta
orain datorrena oso krudela baita, jauzi bat egingo dugu, probableki
ezaguna baita.
21 Şubat 2013 Perşembe
Kaydol:
Kayıtlar (Atom)